唔知大家前陣子看到新聞報告 "又一城變水舞間" 有何感覺呢？我當時無什麼特別感覺，只是暗暗說了一句，吓！唔係化，香港咁大個商場喎？
上月底有一日 .....
冇錯！係我家的浴室天花落雨，仲要係傾盆大雨呀！(持續大約 2 小時)
當時我一個人在家，呆了幾秒，隨即心裡不停咀咒樓上，手裡不停打電話找管理處，好不容易才令對方明白發生何事，收線後已急不及待直接跑到樓上的單位門外，不停按門鐘，不停拍門，但 ..... 冇人回應！
於是又再衝回家裡視察災情，恐怕全屋被浸，此刻管理處的人一個都未到，心想 ..... 有冇攪錯呀！成 10 分鐘都未有人？再打電話追，終於有一個阿姐帶著相機慢條斯理的來到，入到浴室竟然係舉機影相，我再無法按奈得住心裡那把火，問她，可以先幫我到樓上處理一下嗎？我家就快全屋都水浸喇，妳仲影相！！！
之後，眼看著幾個管理員不停於家裡進進出出，耳聽著浴室內的水聲不停巴啦巴啦！但我什麼都做不到，只有無奈地等！最後才記起要打電話比 hubby (那刻已覺得筋疲力盡)
擾攘了大約半個鐘後，管理員話，唔係樓上單位浴缸漏水，真正兇手係 ..... 樓上嘅樓上單位裝修，師父弄爆鹹水喉！現在搵到裝修師父返來開門，維修部會搵人用機器將水泵走，妳耐心等一下吧！
吓！吓！吓！腦裡面九萬幾個問號！點解樓上嘅樓上爆喉會關我事呀？
管理員仲話，除咗你，同你樓上之外，連你樓下，同樓下嘅樓下都有事呀！
我想提提大家，屋企裝修，真係要搵個好嘅師父，同埋記得買保險呀！如果唔係，真係會賠到你破產呀！
歡迎追蹤最新發報 @Facebook :【戀家‧生活宅記】Homemade Heaven
※ 如果當中有您喜歡的食譜，請給我一個 Like 吧！您的一個小鼓勵就是我繼續發報的最大動力啊！※
沒有留言:
張貼留言