早前想買部麵包機玩，睇過好幾個品牌但嫌價錢略貴，因為本身已學識手揉麵包，只係想買部機可以間中偷懶吓 (尤其夏天，真係會搓到身水身汗)，動輒要幾千蚊嘅新 model 實在唔啱我。
剛好比我遇到象印 Zojirushi 做優惠 $1,299 (我趁2號 Aeon 感謝日買仲有95折) 即 $1,234 就買到喇！優惠唔知會做到幾時，詳情可以留意佢哋 FB fan page 或 Website 啦！
講咗咁耐，係時候試吓機喇 ...... 跟機有中、英文食譜，量杯同量匙。
第一次開機當然係試個最基本嘅白麵包先啦！用咗三個幾鐘就有外脆內軟新鮮麵包食，超滿足！
第二次就試埋個麵團程序，係咪發酵得好靚呢？
由量材料到發好麵團都唔使兩個鐘，跟手攞出嚟搓兩搓加啲醬同配料，放入焗爐半個鐘就有香噴噴 pizza 食喇！
出面30幾度唔想煮飯，整個包加個沙律又一餐，超方便！以前自己手搓真係滴哂汗，而家按個制就可以等個機自己攪掂，哈哈，爽呀！
用後感：
機仔細細唔嘥位，易清潔， 雖然佢無太多花巧功能，但最基本嘅麵包都分堅實、柔軟、快速同法式，另外仲可以做蛋糕，果醬、麵團。用千幾蚊買部機幫輕吓自己，抵吖！
其實我買之前都有上網搵過資料，大家不妨睇睇參考吓：
1. 消委會測試結果 (麵包機)
2. 網友 Testing Mama 十招教你揀麵包機
歡迎追蹤最新發報 @Facebook : 【戀家‧生活宅記】Homemade Heaven
※ 如果當中有您喜歡的食譜或文章，請給我一個 Like 吧！您的一個小鼓勵就是我繼續發報的最大動力啊！※
沒有留言:
張貼留言