中式煮苦白菜 Endive in Chinese Style (附食譜)

夏天想買靚菜真係好難，餐餐食瓜又好悶，最近行超市見到有荷蘭苦白菜賣，見個樣幾靚於是買咗再上網查資料，大部份食譜都係較西式的煮法，一係沙律，一係釀入煙肉及芝士焗，兩款都唔係好啱胃口，於是自由發揮攪攪新意，來個西菜中煮。

首先同大家介紹吓先，叫得苦白菜當然味道帶點苦啦，但請放心，本人覺得只有輕微甘苦不難接受，比苦瓜還要輕微，我會形容佢好似芥菜咁，有一種屬於佢自己獨特的味道，是一種有個性的食材。

苦白菜名字多多，不同地方有不同叫法，例如 Chicory、Chicon、Witloof、Endive 等，中文則稱作菊苣、苞菜或苦白菜等。

此菜含較多纖維，有助腸胃消化和改善便秘。而且它熱量較少，對要控制體重人士來說是不錯的食材。

當中含較高量的維他命A及K，前者有助抗氧化，後者有助傷口凝血。唯對腎功能較弱人士來說，應注意鉀的吸取量；維他命A也因是脂溶性，又儲存於肝臟，不易排走，吸收過量者不應喝太多酒；維他命K吸取量過多也對正服用薄血藥人士產生不良藥效，因此，上述人士應吃少於一碗分量。
(資料來源: lifestyle.sina.com.hk)

材料:
苦白菜 1 包 (約 500g)
雞肶菇 1 包
金菇 1 包
蠔油 1 大匙
薑 1 片
蒜頭 1 瓣 (切蓉)
橄欖油適量

做法:
1. 將所有材料洗淨，苦白菜切開一分為二，雞肶菇切片。
2. 苦白菜用滾水煮 5 分鐘，取出上碟備用。

3. 燒熱鑊下油、薑、蒜爆香加入所有菇類，炒至出水及縮小 (大約 4-5 分鐘)

4. 加入蠔油炒勻 (試味如太鹹可加適量水) 即可上碟享用。

小提示:

‧ 苦白菜先用水煮可減低苦味，如果真係好怕苦的朋友可以將中間最硬部份去掉。

歡迎追蹤最新發報 @Facebook :【戀家‧生活宅記】Homemade Heaven

※ 如果當中有您喜歡的食譜，請給我一個 Like 吧！您的一個小鼓勵就是我繼續發報的最大動力啊！※